PAK RAILWAYS

PAK RAILWAYS سنا ہے تیز رفتار بلٹ ٹرین چلے گی ۔ اچھی بات ہے ۔ دنیا کے ساتھ ہمیں بھی ترقی کرنی چاہیے ۔ لاہور اسلام آباد کے عوام کو سہولت مل جائے گی ۔ باقی ملک کا بھی سوچو ۔ لمحہ فکریہ یہ کہ پشاور سے کراچی تک ، تمام ریل کی پٹڑی ، Railway lines , ریلوے ٹریک بہت بوسیدہ ہیں ۔ ان کے نٹ بولٹ کمزور اور ڈھیلے ہیں ۔ ریلوے ٹریک کی مرمت کا یا اپ گریڈ کرنے کا کوئی پروگرام نظر نہیں آتا ، آئے روز ریلوے بوگیاں پٹڑی سے اتر جاتی ہیں اور متعدد حادثات کا باعث بنتی ہیں ۔ ریلوے کا ڈھانچہ بہت کمزور ، فرسودہ اور پرانا ہو چکا ہے ۔ آئے روز کہیں نہ کہیں ریل کی بوگیاں پٹڑی سے اتر جاتی ہیں ۔ ریلوے کا ایکسیڈنٹ بہت تکلیف دہ ہوتا ہے ۔ اکثر یہ شہروں اور آبادیوں بہت دور ہوتا ہے ، طبی امداد بھی آسانی سے نہیں دی جا سکتی ۔ اس میں جانوں کا ضیاع ہوتا ہے اور زخمی لوگ بھی تڑپ رہے ہوتے ہیں ۔ ریلوے ٹریک کو مرحلہ وار انٹر نیشنل سٹینڈرڈز کے مطابق اپ گریڈ کیا جائے ۔ اس بوسیدہ ریل کی پٹری پر چلتی ہوئی ریل گاڑی کی بوگیاں آگے پیچھے تو جھٹکے لیتی ہی ہیں ۔ لیکن ہماری ریلوے کی بوگیاں پٹڑی کا ڈھانچہ کمزور ہونے کی وجہ سے آگے پیچھے جھٹکے لینے کے علاوہ دائیں بائیں Left Right بھی جھومتی ہیں ۔ جو تشویش کی بات ہے ۔ انسانی جانوں کی حفاظت کے لیے فوری طور پر توجہ دی جائے ۔