Jamiat India

بھارتی سادہ لوح مسلم یہ قصیدے پڑھتے ہوئے نظر آتے ہیں کہ جمیعت علمائے ہند دیوبند مسلمانوں کے مسائل کو لیکر ہر وقت کوشاں رہتی ہے ۔ لیکن بھارت کے مسلمان 80 سال سے دیکھ رہے ہیں کہ پورے بھارت میں آئے روز مسلمانوں کی موب لینچنگ ہوتی ہے ، مساجد مدارس درگاہوں پر بلڈوزر کارروائی آئے دن ہوتی ہے ، یہ ظلم اب طول پکڑتا ہی جا رہا ہے ، رکنے کا نام نہیں لے رہا ، وقف اور مسلمانوں کے خلاف قانون سازی ہوتی رہتی ہے ۔ لاکھوں کی تعداد میں مسلمانوں کے نام ووٹر لسٹوں سے کاٹ دیے گئے ۔ مسلمانوں کے لیے بھارت میں کوئی راحت کا اور امن کا لمحہ نظر نہیں آتا ۔ بھارت میں مسلمانوں کے ابتر حالات میں بہتری لانا اکیلے کسی مذھبی مدرسے ، مذھبی جماعت ، کسی خود ساختہ علماء بورڈ یا وہاں کے علماء اساتذہ کے بس کی بات نہیں ۔ اس کے لیے مسلمانوں کو بھارت کی سیاست میں اپنی پارٹی بنا کر ، اس کو مضبوط کر کے بھرپور طریقے سے سیاسی میدان میں آنا ہوگا ۔ اپنی آبادی کے حساب سے پارلیمنٹ ، انتظامیہ ، پولیس ، عدلیہ اور تمام صوبوں ریاستوں میں اپنا حصہ لینا ہوگا ۔ جب مسلمان ہر گورنمنٹ میں شامل رہیں گے تب کہیں مسلمان سکھ کا سانس لے سکیں گے ۔